CEIR PORTAL ಸಹಾಯದಿಂದ ಕಳುವಾದ ಕಳೆದುಕೊಂಡಿದ್ದ 10 ಮೊಬೈಲ್‌ಗಳನ್ನು ಪತ್ತೆ

ಹರಿಹರ ನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಕಳುವಾದ/ಕಳೆದು ಹೋದ ಮೊಬೈಲ್‌ಫೋನ್‌ಗಳನ್ನು CEIR PORTAL ನಲ್ಲಿ ಮೊಬೈಲ್‌ನ ವಾರಸುದಾರರ ವಿವರಗಳನ್ನು ನಮೂದು ಮಾಡಿ, ಮೊಬೈಲ್‌ನ ಐಎಂಇಐ ನಂಬರ್‌ನ್ನು ಬ್ಲಾಕ್ ಮಾಡುವ ಮುಖಾಂತರ ಕಳೆದುಹೋದ / ಕಳುವಾದ ಮೊಬೈಲ್‌ಗಳ ಪೈಕಿ 10 ಮೊಬೈಲ್‌ಗಳನ್ನು ಹರಿಹರ ನಗರ ಪೊಲೀಸ್ ಠಾಣೆಯಲ್ಲಿ ಪತ್ತೆ ಮಾಡಿ, ಮೊಬೈಲ್ ವಾರಸುದಾರರಾದ 1] ವಿರುಪಾಕ್ಷಿ, 2] ಸ್ವರೂಪ್ ದುರುಗೋಜಿ, 3] ರಮೇಶ, 4] ಎನ್ ಪಿ ಹಿರೇಮಠ, 5] ಗುಡ್ಡಾಚಾರಿ, 6] ಜಯರಾಮ್ ಶೆಟ್ಟಿ, 7] ನಜರುಲ್ಲಾ, 8] ಶಿವಾನಂದಪ್ಪ, 9] ಹನುಮಂತಪ್ಪ, 10] ಅನೀಲ್ ಹರಿಬಾಬು ಇವರಿಗೆ ವಾಪಾಸ್ಸು ಹಿಂದಿರುಗಿಸಲಾಗಿರುತ್ತದೆ. ಪತ್ತೆಯಾದ ಮೊಬೈಲ್‌ಗಳ ಅಂದಾಜು ಮೊತ್ತ 1,60,000/- ರೂಗಳು ಆಗಿರುತ್ತದೆ.

ಹೆಚ್ಚುವರಿ ಪೊಲೀಸ್ ಅಧೀಕ್ಷಕರಾದ ಶ್ರೀ ಆರ್.ಬಿ. ಬಸರಗಿ ರವರು & ಶ್ರೀಮತಿ ಕನ್ನಿಕಾ ಸಿಕ್ರಿವಾಲ್ ಐಪಿಎಸ್, ಸಹಾಯಕ ಪೊಲೀಸ್ ಉಪಾಧೀಕ್ಷಕರು, ದಾವಣಗೆರೆ ಗ್ರಾಮಾಂತರ ಉಪವಿಭಾಗ ರವರ ಮಾರ್ಗದರ್ಶನದಲ್ಲಿ ಹರಿಹರ ನಗರ ಠಾಣೆಯ ಪೊಲೀಸ್ ಇನ್ಸ್ಪೆಕ್ಟರ್ ಶ್ರೀ ಎಸ್ ದೇವಾನಂದ ರವರ ನೇತೃತ್ವದಲ್ಲಿ ಠಾಣಾ ಸಿಬ್ಬಂದಿಯವರಾದ ಡಿ.ಹೆಚ್ ಸಿರಿಗೆರೆ, ಮಂಜಪ್ಪ ಕ್ಯಾತಮ್ಮನವರು, ರಿಜ್ವಾನ್ ನಾಸೂರ್ ರವರು ಮೊಬೈಲ್‌ಗಳನ್ನು ಪತ್ತೆ ಮಾಡಿದ್ದು ಇವರುಗಳ ಕಾರ್ಯವನ್ನು ಮಾನ್ಯ ಪೊಲೀಸ್ ಅಧೀಕ್ಷಕರಾದ ಡಾ. ಅರುಣ್ ಕೆ., ಐಪಿಎಸ್ ರವರು ಪ್ರಶಂಸನೆ ವ್ಯಕ್ತ ಪಡಿಸಿರುತ್ತಾರೆ.