ಉಡುಪಿ,: ಕಾಪು ಪೊಲೀಸ್ ಠಾಣಾ ವ್ಯಾಪ್ತಿಯ ರಾಷ್ಟ್ರೀಯ ಹೆದ್ದಾರಿಯಲ್ಲಿ ನವೆಂಬರ್ 30ರಂದು ಸಂಜೆ ನಡೆದ ಭೀಕರ ರಸ್ತೆ ಅಪಘಾತದಲ್ಲಿ, ಗುಡ್ಸ್ ಟೆಂಪೋದಲ್ಲಿನ ಕಾರ್ಮಿಕರು 5 ಮೃತ್ಯು, 7 ಮಂದಿ ತೀವ್ರವಾಗಿ ಗಾಯಗೊಂಡಿರುವ ಬಗ್ಗೆ ವರದಿಯಾಗಿದೆ. ಮದುವೆ ಸಮಾರಂಭಕ್ಕೆ ಡೆಕೋರೇಷನ್ ಸಾಗಿಸುವ KA21 7808, 407 ಗೂಡ್ಸ್ ಟೆಂಪೊ ನಲ್ಲಿ ಕಬ್ಬಿಣದ ಸಾಮಾನುಗಳನ್ನು ತುಂಬಿಸಿಕೊಂಡು ಟೆಂಪೊ ಮುಂದುಗಡೆ ರಂಜಿತ್ ಎಂಬುವರು ಚಾಲಕರಾಗಿ ಹಾಗೂ ಅವರ ಪಕ್ಕದಲ್ಲಿ ಪಿರ್ಯಾದುದಾರರು, ಕಮಲ ಮತ್ತು ಗೋಪಾಲ ಎಂಬುವರು ಕುಳಿತುಕೊಂಡು ಹಿಂಬದಿ ಬಾಡಿಯಲ್ಲಿ ಸಮರೇಶ್, ಸುಬ್ರತ್, ಸೂರಜ್ ದಲಾಯ್, ಪಪ್ಪು, ಗಣೇಶ, ಗಪುನಾಥ, ಹರೀಶ್ ಮತ್ತು ಇನ್ನೋರ್ವ ಹೆಸರು ಗೊತ್ತಿಲ್ಲದ ವ್ಯಕ್ತಿ ಕುಳಿತುಕೊಂಡು ಕಾಪುವಿನಿಂದ ಹೊರಟು ಮಧ್ಯಾಹ್ನ 3.10 ಗಂಟೆಗೆ ಕಾಪು ತಾಲೂಕು ಉಳಿಯಾರಗೋಳಿ ಗ್ರಾಮದ ಕೋಥಲಕಟ್ಟೆಯಲ್ಲಿರುವ ನಂದಿನಿ ಪಾರ್ಲರ್ ಬಳಿ ರಾ.ಹೆ-66 ರ ಮಂಗಳೂರು-ಉಡುಪಿ ಏಕಮುಖ ಸಂಚಾರ ರಸ್ತೆಯಲ್ಲಿ ತಲುಪುವಾಗ ಟೆಂಪೊ ಚಾಲಕ ರಂಜಿತ್ ನು ಟೆಂಪೊವನ್ನು ನಿರ್ಲಕ್ಷ್ಯತನದಿಂದ ಚಲಾಯಿಸಿಕೊಂಡು ರಸ್ತೆಯ ಎಡಬದಿಯಲ್ಲಿರುವ ಡಿವೈಡರ್ ಗೆ ಹತ್ತಿಸಿ ಸರ್ವಿಸ್ ರಸ್ತೆಯಲ್ಲಿ ಮುಗುಚಿ ಬಿದ್ದ ಪರಿಣಾಮ ಟೆಂಪೊದಲ್ಲಿದ್ದ ಎಲ್ಲಾ 12 ಜನರಿಗೂ ತೀವ್ರ ತರಹದ ರಕ್ತಗಾಯಗಳಾಗಿದ್ದು ಅವರನ್ನು ಅಲ್ಲಿನ ಸ್ಥಳೀಯರು ಉಪಚರಿಸಿ ಚಿಕಿತ್ಸೆಯ ಬಗ್ಗೆ ಉಡುಪಿಯ ಆದರ್ಶ ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದು, ಆಸ್ಪತ್ರೆಯಲ್ಲಿ ವೈದ್ಯರು ಪರೀಕ್ಷಿಸಿ ಕಮಲ, ಸಮರೇಶ, ಗಪ್ಪುನಾಥ, ಮತ್ತು ಹರೀಶ್ ರವರು ಮೃತಪಟ್ಟಿರುವುದಾಗಿ ತಿಳಿಸಿದ್ದು, ಉಳಿದವರನ್ನು ಒಳರೋಗಿಯಾಗಿ ದಾಖಲಿಸಿಕೊಂಡಿರುತ್ತಾರೆ. ಹಾಗೂ ಪಪ್ಪು ಮತ್ತು ಇನ್ನೋರ್ವ ಹೆಸರು ಗೊತ್ತಿಲ್ಲದ ವ್ಯಕ್ತಿಯನ್ನು ಉಡುಪಿಯ ಹೈಟೆಕ್ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ಕರೆದುಕೋಂಡು ಹೋಗಿದ್ದು ಅಲ್ಲಿ ವೈದ್ಯರು ಪರೀಕ್ಷಿಸಿ ಪಪ್ಪು ಮೃತಪಟ್ಟಿರುವುದಾಗಿ ತಿಳಿಸಿದ್ದು ಇನ್ನೋರ್ವ ವ್ಯಕ್ತಿಯನ್ನು ಒಳರೋಗಿಯಾಗಿ ದಾಖಲಿಸಿಕೊಂಡಿರುತ್ತಾರೆ. ಈ ಅಪಘಾತಕ್ಕೆ ರಂಜಿತ್ ನು ನಿರ್ಲಕ್ಷ್ಯತನದ ಚಾಲನೆಯೇ ಕಾರಣವಾಗಿದ್ದು ರಂಜಿತ್ ನ ಮೇಲೆ ಸೂಕ್ತ ಕಾನೂನು ಕ್ರಮ ಕೈಗೊಳ್ಳ ಬೇಕೆಂದು ನೀಡಿದ ದೂರಿನಂತೆ ಕಾಪು ಪೊಲೀಸ್ ಠಾಣೆ ಅಪರಾಧ ಕ್ರಮಾಂಕ : 154/2025 U/s: 281, 125 (a), 125 (b), 106(1) BNS ಮತ್ತು 66A R/w 192(a) IMV Act. ರಂತೆ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.
ಉಡುಪಿಯ ನಮ್ಮ ವರದಿಗಾರ,
ವಿಲ್ಸನ್ ಡಿ’ಸೋಜ
